فیرقه‌ی مه‌دخه‌لی مورجیئه‌ن به‌رامبه‌ر به‌حاكم و خه‌واریجن به‌رامبه‌ر به‌زاناو بانگخوازو دڵسۆزانی ئه‌و میله‌ته، مورجیئه‌ن بۆیه جیاوازی نێوان حاكمی كافر و حاكمی فاسیق و حاكمی عادل ناكه‌ن، خه‌واریجن به‌رامبه‌ر زاناو بانگخوازان بۆیه كه‌سێكی وه‌كو أبو اسحاقی حوه‌ینی و محمد حه‌سان و سه‌فه‌ر حه‌والی و سه‌لمان و شه‌نقیتی و ده‌یان و سه‌دان زانای تر به حیزبی و ته‌كفیری له‌قه‌له‌م ده‌ده‌ن،ئه‌وان مه‌دخه‌لین نه‌وه‌ك سه‌له‌فی، واته ئه‌و (ي) نیسبه‌كه‌ی ئه‌وان به‌زوڵم دراوه‌ته پاڵ سه‌له‌ف، خۆی له‌حه‌قیقه‌تدا ئه‌و(ي) ده‌بێت بچێته‌وه پاڵ مه‌نهه‌جه‌كه‌یان كه مه‌نهه‌جی (ڕه‌بیعی مه‌دخه‌لی)یه، بۆیه پێیان ده‌ڵێین مه‌دخه‌لی، ئه‌وه‌ی زۆر سه‌یره له فیكری مه‌دخه‌لییه‌كان ته‌نها ئه‌وه ده‌خوێننه‌وه كه شێخه‌كه‌یان پێیان ده‌ڵێت وه‌كو ده‌روێش، ئیتر له‌هه‌ر شوێنێك مه‌دخه‌لیه‌كت بینی وه‌ك توتی ئه‌و قسه‌یه دووباره ده‌كاتەوە، مه‌دخه‌لی و نه‌فه‌ره‌كانی ده‌وروبه‌ری و هه‌مووی ئه‌و قوتابخانه بیدعییه كۆكه‌یته‌وه ناگه‌نه ئه‌ژنۆی (إبن جبرين و أبو اسحاق و بكر عبدالله أبو زيد) له عیلم و زانست و زانیارید، سه‌یری ئه‌و جه‌هله موره‌كه‌به‌ی مه‌دخه‌لییه‌كان بكه‌ن خوێنه‌ری به‌رێز شێخ (أبو إسحاق) له‌وتارێكی به‌ناوی (نداء الغرباء)دا چی ده‌فه‌رموێت: ((يا للغربة، لا يوجد سلطان يحمي حدود الله في الأرض، من سبَّ الله: سجن ستة أشهر، ولم ينفذ هذا القانون ساعة، ومن سبَّ الذات الملكية: يسجن في الحال! لا يوجد سلطان شرعي)). واته: ((وای له‌و غوربه‌ته هیچ سوڵتانێك نییه سنوره‌كانی خوای په‌روه‌ردگار بپارێزێت له‌سه‌ر ئه‌و زه‌وییه، ئه‌وه‌ی جنێو به (الله) بدات شه‌ش مانگ به‌ند ده‌كرێت، به‌ڵام ئه‌و یاسایه یه‌ك كاتژمێریش جێبه‌جێ ناكرێت، وه ئه‌وه‌ی جنێو به مه‌لیك بدات ده‌م و ده‌ست سجن ده‌كرێت، هیچ سوڵتانێكی شه‌رعی له‌سه‌ر زه‌وی نییه)).
ئه‌وه وته‌كانی شێخ (أبو إسحاق)ە خوا بیپارێزێت و ته‌مه‌ن درێژی بكات، له‌سه‌ر ئه‌و وتانه مه‌دخه‌لییه بیدعیه‌چییه‌كان به‌خه‌واریجی له‌قه‌ڵه‌م ده‌ده‌ن، زۆرجار مه‌دخه‌لییه‌كان ده‌ڵێن ئێمه سه‌له‌فین و مه‌دخه‌لی نین ئەگه‌ر ڕه‌بیع هه‌له‌ی كرد ده‌ڵێین هه‌ڵه‌ی كردووه، بەڵام ڕاستگۆ نین فه‌رموو ئه‌وە (أبو إسحاق) له زیره‌كترین قوتابییه‌كانی شێخی(الالباني) بووه و شێخ له‌هه‌موو قوتابییه‌كانی زیاتر دڵی به(أبو إسحاق) خۆش بووه هه‌روه‌كو شێخ (مشهور بن حسن آل سلمان) دەفەرموێت: "أُشهد الله أن أبا إسحاق من علماء الحديث.. ومن أهل الحديث الراسخين فيه.. ولم أرَ شيخنا الألبانى فرحا بأحدٍ كما رأيتُه فرحا بقدوم الشيخ أبى إسحاق.."
فه‌رموو ئەگه‌ر ڕاست ده‌كه‌ن ئێوه شوێنكه‌وته‌ی زانایانن فه‌رموون به‌گوێی شێخی(الالباني) بكه‌ن، به‌ڵام خوێنه‌ری به‌ڕێز ئه‌و فیرقه‌یه له‌سه‌ر درۆوبوختان دروست بوون، هه‌وڵ و تێكۆشانیان تەنها شێواندنی ڕاستییه‌كان و ناشرینكردنی ناوی سه‌له‌فییه‌ته، بۆیه له‌و قۆناغه ئه‌ركی سه‌رشانی هه‌موو سه‌له‌فیەكه بوختانی ئه‌و قوتابخانه سه‌ر لێ شێواوه هه‌ڵوه‌شێنێته‌وه.
تێبینی ناوی كاسێته‌كه‌ی مه‌دخه‌لییه‌كان(إرشاد الحذاق بكشف ضلال الخارجي ابو إسحاق)ە، ئه‌وه‌ی وه‌ڵامی پرسیاره‌كه‌ش ده‌داته كه‌سێكه به‌ناوی شێخ (أحمد بن يحي النجمي)یه، ئه‌و شێخه مردووه- ڕه‌حمه‌تی خوای لێبێت- یه‌كێك له ئوسلوبی مه‌دخه‌لییه‌كان هه‌ڵگرتنی له‌قه‌بی زل زلی وه‌كو (علامة و حامل الراية و.. هتد)، به‌ڵام ئه‌وشتانه هه‌ر هه‌مووی له‌ته‌رازووی حه‌ق هیچ ناگۆرێت پێیان ده‌ڵێین فه‌رموو به‌ڵگه‌تان چیە؟
حه‌سه‌ن پشده‌ری
0 تێبینیه‌کان:
إرسال تعليق